‘ಟಾಕ್ಸಿಕ್’ ಲೇಡಿಸ್ ಸ್ಪೆಷಲ್‌ ಟೀಸರ್ ಔಟ್!

ಇದೀಗ ಬಿಡುಗಡೆಯಾಗಿರುವ ‘ಟಾಕ್ಸಿಕ್’ ಸಿನೆಮಾದ ಹೊಸ ಟೀಸರ್​​ನಲ್ಲಿ ಸಿನೆಮಾನಲ್ಲಿ ನಟಿಸಿರುವ ನಾಯಕಿಯರಾದ ಕಿಯಾರಾ ಅಡ್ವಾಣಿಯ ಸೌಂದರ್ಯ, ನಯನತಾರಾ ಅವರ ಸಾಹಸ, ರುಕ್ಮಿಣಿ ವಸಂತ್ ಪಾತ್ರದ ಧೈರ್ಯ, ಹುಮಾ ಅವರ ಪಾತ್ರದ ತಂತ್ರ, ತಾರಾ ಸುತಾರಿಯಾ ಪಾತ್ರದ ಬಿಂದಾಸ್ ತನಗಳನ್ನು ಟೀಸರ್​​ನಲ್ಲಿ ತೋರಿಸಲಾಗಿದೆ. ‘ಟಾಕ್ಸಿಕ್’ ಸಿನೆಮಾದ ಕಥೆಯ ಪ್ರಧಾನ ಅಂಶ ಯಶ್ ವರ್ಸಸ್‌ ನಾಯಕಿಯರು ಎಂಬುದನ್ನು ಸಹ ಈಗ ಬಿಡುಗಡೆ ಆಗಿರುವ ಟೀಸರ್ ನಲ್ಲಿ ತೋರಿಸಲಾಗಿದೆ.

ಟೀಸರ್​​ನಲ್ಲಿ ಕೆಲವು ದೃಶ್ಯಗಳಲ್ಲಿ ಯಶ್, ನಾಯಕಿಯರೊಡನೆ ಚೆಲ್ಲಾಟ ಆಡುತ್ತಿದ್ದಾರೆ. ಇನ್ನು ಕೆಲವು ದೃಶ್ಯಗಳಲ್ಲಿ ನಾಯಕಿಯರು ಯಶ್ ಅವರನ್ನು ಕೊಲ್ಲುವ ಪ್ರಯತ್ನದಲ್ಲಿದ್ದಾರೆ. ಟೀಸರ್​ನ ಕೊನೆಯ ದೃಶ್ಯದಲ್ಲಂತೂ ಹಲವು ಮಹಿಳೆಯರು ಒಂದೇ ರೀತಿ ಬಟ್ಟೆ ತೊಟ್ಟು ಯಶ್ ವಿರುದ್ಧ ಫೈಟಿಂಗ್ ಮಾಡುತ್ತಿದ್ದಾರೆ. ಯಶ್, ನಿರ್ದಯವಾಗಿ ಒಬ್ಬ ಮಹಿಳೆಯ ಬಾಯಿಗೆ ಬಂದೂಕಿಟ್ಟು ಗುಂಡು ಹಾರಿಸುವ ದೃಶ್ಯವೂ ಇದೆ. ಒಟ್ಟಾರೆ, ಈ ಸಿನಿಮಾ, ಮಹಿಳೆ ವರ್ಸಸ್‌ ಪುರುಷ ಇದ್ದಂತಿದೆ.

‘ಟಾಕ್ಸಿಕ್’ ಸಿನೆಮಾದ ಲೇಡಿಸ್‌ ಅಂಡ್‌ ಲೇಡಿಸ್‌ ಟೀಸರ್‌ ವಿಡಿಯೋವನ್ನು ವೀಕ್ಷಿಸಲು ಈ ಕೆಳಗಿನ ಲಿಂಕ್‌ ಅನ್ನು ಕ್ಲಿಕ್‌ ಮಾಡಬಹುದು…

‘ಟಾಕ್ಸಿಕ್’ ಸಿನೆಮಾದಲ್ಲಿ ಬರೋಬ್ಬರಿ ಐವರು ನಾಯಕಿಯರು ನಟಿಸಿದ್ದಾರೆ. ಸಿನೆಮಾನಲ್ಲಿ ನಯನತಾರಾ ಗಂಗಾ ಹೆಸರಿನ ಪಾತ್ರದಲ್ಲಿ ನಟಿಸಿದ್ದಾರೆ, ಕಿಯಾರಾ ಅಡ್ವಾಣಿ ನಾಡಿಯಾ ಹೆಸರಿನ ಪಾತ್ರ, ತಾರಾ ಸುತಾರಿಯಾ ರೆಬೆಕಾ ಹೆಸರಿನ ಪಾತ್ರ, ಹುಮಾ ಖುರೇಷಿ ಎಲಿಜಬೆತ್ ಹೆಸರಿನ ಪಾತ್ರ ಮತ್ತು ರುಕ್ಮಿಣಿ ವಸಂತ್ ಮೆಲಿಸಾ ಹೆಸರಿನ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇವರುಗಳು ಮಾತ್ರವೇ ಅಲ್ಲದೆ, ಕೆಲ ವಿದೇಶಿ ನಟಿಯರು ಸಹ ‘ಟಾಕ್ಸಿಕ್’ ಸಿನೆಮಾದ  ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಿನೆಮಾದ ಕಥೆ ನಾಯಕಿ ಪ್ರಧಾನವೇ ಆಗಿದೆ ಎನ್ನಲಾಗುತ್ತಿದ್ದು, ಸಿನೆಮಾದ ಬಗ್ಗೆ ಹೆಚ್ಚಿನ ಮಾಹಿತಿ ಮುಂದಿನ ದಿನಗಳಲ್ಲಿ ಹೊರಬೇಕಿದೆ.